Nuup qeqqani angerlarsimaffippalaartumik ilorrisimaarneq

Nuuk illoqarfiuvoq pissanganartoq takornariarpassuarnik tikinneqartartoq. Amerlasuut Nordbo-mi najugaqarusuttarput pitsaasunik iniuteqarmat akigititaallu pitsaasuullutik.

Nordbo hotelitut inissiat qaffasissumik pitsaassusillit neqeroorutigai, ilaqutariit tamarmiullutik najugaqarfigisinnaasaat – Nordbo aamma unnuisarfimmik pitsaassutsimigut qaffasissumik kikkut tamarmik akitigut peqataaffigisinnaasaanik inissiaateqarpoq.

Takornarissat amerlasuut Nordbo-mi hotelitut inissiat kusanartunik igaffillit iluarisarpaat. Maani nammineq igarusutat iganeqarsinnaapput taamaasilluni unnukkut ilaqutariinnut tamanut pitsaasumik neriffiusinnaalluni.

Nordbo aamma unnuiffissatut pilerigineqarnersaavoq ilaqutariit angisuut Nuummi naapeqatigiikkaangamik. Hotelitut inissiat angisuut neqeroorutigaagut, siniffileeqqinnissamut meeqqanullu aamma siniffileeqqinnissamut periarfissaqarluni taamaasilluni ilaqutariit angerlarsimaffippalaartuni ataatsimoorsinnaallutik.

Nordbo unnuiffissatut nuannarineqartuuvoq aamma Nuummiutoqqat uteraangata "Nuutoqaq" takoqqinniarlugu.

Nordbo-mi akunnittut naammagisimaarinnipput. Aaku TripAdvisor-imi oqaaseqaatit kusanartut ilamininngui:


”Hotelitut inissiat illoqarfiup qeqqata missaanniipput. Inissiaq taanna uannut tunniunneqartoq nutarterlugu iluarsaanneqarsimasuuvoq, ipiilluni iseruminarlunilu, iserterfiginerani kajuminnarpoq, atortut tamaaasa pigai, iseruminarpoq pitsaasumik wifi-qarluni tv kanaleqarlunilu. Allaffimiut niviarsissat pitsaalluinnartumik sullissipput, inussiarnersuullutik najugaqarnermullu isumatusaartunik siunnersuillutik.” - Tikeraaq qallunaaq


"Unnuit pingasut najugaqarfigaarput, naatsorsuutigisatsitut ippoq. Iseruminarpoq, ipiilluni najoruminarsagaallunilu. Nuanneqaaq inissiami najugaqarsinnaalluni hotelininngarnit akornusersorneqannginnerulluni. Uagut inissiaq inigisatta igaffimmi atortut tamaasa pigai, taamaalilluta aningaasartuutigut nammineq iganitsigut appasitsillugit. Allaffik matoreersoq tikippugut, taamaattoq timmisartoqarfimmi Air Greenlandip check-in-ertarfiani matuersaatissagut tiguagut. Isumaqarpunga tamanna Nuummi hotelinut sanilliullugu qinigassatsialaasoq." - Takornariaq tuluk


”Sumiiffimmi Nuuk qanillugu nuannerluinnarpoq. Inissiaq iseruminaq ipiillunilu. Timmisartoqarfilialerlunga taxanik pissarsinissaq ilimananngimmat taava hotelimit piginnittup neqeroorfigaanga ikinngutigalu ilaatissinnaalluta. Taasariaqarpara tassa sullissilluarneq!” - Tikeraaq norskeq


”Inissiaq akilersinnaasumik akeqartinneqarpoq, wifi akeqanngilaq signalialu sakkortuujuvoq, taanna ullutsinnut angalasumut pingaarutilittut inissisimavoq aamma oqaatigisariaqarpoq naak inissiaq illoqarfiup qeqqanut qanikkaluarluni sumilluunniit angallappalunnermik eqeersinneqassanngilatit.” - Niuertutut angalasoq


"Pinngitsoornanga tassani najugaqaqqissaanga. Pisuinnarluni illoqarfiup qeqqanukartoqarssinnaavoq. Ineeqqat eqqiluitsinneqarluinnarput paarilluagaallutik. Ilumut iluarilluinnarpara akigitinneqartoq, aamma ataatsikkut igaffiullunilu/iniusoq "pivara". (…)Iluareqaakka uffarfiup isertarfiullu naqqi kiassaasersukkat." - Tikeraaq tuluk