Skip to main content

Hotel Nordbo

Hotelitut inissiat angerlarsimaffippalaartut nutaaliaalluinnartut illit ilaquttavillu ineqarfigisinnaasasi

Hotel Nordbo inissianik 23-nik nutaaliasunik Vandsøvej-mi peqarpoq – illoqarfimmut qanittumik inissisimapput, taamaakkaluartorli illoqarfimmit nipiliorfiusumit inuppassuillu angallaffigisaannit avinngarusimaffeqarlutik.

Inissiat Nuup qeqqa qulangerlugu inissisimapput, arsaattarfik Nuuk Kunstmuseum-ilu sanileralugit. Sumiiffik pilerinartunik pisuttuarfissaqarpoq – soorlu imeqarfik kaajallallugu imaluunniit ammut nuutoqqamut nunasiaataanerullu nalaani umiarsualerivitoqaasimasumut.

Inissiat tamarmik uffarfeqarlutillu anartarfeqarput taamatuttaaq atortulersorluakkanik igaffeqarlutik, illit angalaqativillu kalaallit piinik nuannisaarfigisinnaasassinnik, isikkivia ilorrisimaarujuutigalugu.

Inissiat amerlanersaat namminneq sinittarfeqarput – anginersaat ilaat initaqarlutik nerisarfittaqarlutillu. Init tamarmik atoruminartuupput, nutaaliaallutik kusanartumillu aaqqissugaallutik. Hotelerpalaarpallaarani angerlarsimaffippalaarnerulluni.

Sivisunerusumik Nuummiissaguit taava paasissutissatut pingaaruteqarpoq Hotel Nordbo nammineerluni errorsisarfeqarmat illit nammineerlutit atisarnik errorsiffigisinnaasarnik.

Inissiaatigut tamarmik igaffeqarput perusuersartarfeqarlutillu.

HOTEL NORDBO-MI BUFFET-MIK ULLAAKKORSIORNEQ NUTAAQ MISILIGUK

Hotel Nordbo ullaakkut buffet kissartunik nillertunillu mamartulianik neqerooruteqarpoq – ilaatigut bacon, tinguaraq, manniillu.

Taamatuttaaq qapummik iffiukkat, qallersuutissat assigiinngitsut immussuarlu, ullaakkorsiutit soorlu qorlortitat, cornflakesit, yogurt, naatitat nutaat taamatuttaaq kaagit, juice aamma immuk. Sorunalumi aamma kaffi nutaaq tiillu.

Pris pr. person kr. 150,-