Nordbo-mi tulliani pulaarnissannut qilanaarit. Superiorinik inissianut nutaanut matut ammaqqammerpagut – kusanartumik Nunat Avannarlerni ilusilersukkanik pisatalersugaapput atorfissaqartissinnaasatillu tamaasa pigivai taamaasilluni ulluinnarni nuannersumik toqqissimasumillu suliartorlutit feriarlutilluunniit Nuummiissinnaaniassagavit.

Tikinnermi nutaaliaasut ingerlaannaq takuneqarsinnaapput, nutaamik inituumillu saaffiginnittarfeqarpoq. Maani Nordbo-p sulisui inussiarnertuaannartut tikilluaqqussavaatsit aammalu akunninnerit misigisaqarfiunissaa sapinngisaq tamaat anguniassavaat.

Saaffiginnittarfimmi aamma issiaartarfeqarpoq aaneqarnissavit tungaanut kaffimik mamarsarfigisinnaasarnik atuagalliutinillu atuarfigisinnaasarnik – imaluunniit avatangiisit nuannersut eqqissisimaarfigerusukkukkit.

Maanna aamma Nordbo-mi niuerneq pillugu ataatsimiisitsisinnaavutit, pikkorissartitsillutit ataatsimeersuartitsillutillu. Nutaamik inimik atortulersorluakkamik pikkorissartarfittaaq ammarparput AV-atortunik pisariaqartunik peqarpoq – aamma atortorissaarutit takorusukkukkit saaffiginnittarfimmi sulisunut aperinissarnut tikilluaqqusaavutit.

Nutaarluinnartut 1. decembarimiit ullaakkut neriniartarfitsinni ullaakkorsiutinik neqerooruteqarpugut. Maani Nuummi ullumut nuannersumut  nukissanik katersiartorfigisinnaasarnik rundstykkitorlutit, immussuaq qallersukkallu, kaffi tii aamma juice.

Allilertornerani Nordbo maanna 70-it sinnerlugit inissiaateqarpoq Nuup qeqqani inissisimasunik – pisuinnaq neriniartarfinnut, pisiarfinnut, kulturikkut illorsuarmut katersugaasivinnullu qanittumik inissisimasunik.

Inuussutissarsiuteqarnikkut sulialinnut eqaatsunik aaqqiissutissat.

Nordbo inuussutissarsiuteqarnikkut suliallit suleqatigisatut pingaarnersaraat, suliffeqarfiit peqatigiiffiillu Nuummi sulisuminnik akunnitsitsissagaangamik.

Nordbo-mi sulisut angerlarsimasutut misigisimasarput namminerlu suleriaatsip sukkassusaa aalajangertarpaat. Amerlasoorpassuit Hotelimi inissiat atortulersorluagaasunik igaffillit iluarilluinnartarpaat taamaasillutik nammineerlutik qaqugu, sumi aammalu sunik nerisaqarnissartik aalajangersinnaagamikku. Allat illoqarfiup qeqqani inissisimanera iluarisarpaat taamaasillutik neriniartarfinnut pitsaasunut ajornanngitsumik neriartorsinnaasarmata – tamakkiisumik isigissagaanni Nordbo-mi akunnikkaanni Nuummi angalaarnissaq ajornanngilluinnarpoq.

Nordbo tunniusimasunik sulisoqarpoq unnuinissanik aaqqiissutissanik nassaarniallaqqissusermik pingaartitsisunik. Suliffeqarfeerannguuvugut aaqqiissutissanik nammineq nassaartuaannartut.

Aamma eqqaassavarput Nordbo naammaginarluinnartunik hotelimi inissiaateqarmat. Tamanna tunngaviusumik aammalu suliffeqarfiutitta unammillersinnaaneranut iluaqutaasumik.

Nordbo-mi suleqataasutut immitsinnut isigivugut suleqatigisatta nukittorsarnissaat aammalu ikorfartornissaat sulissutigalugu. Taamaammat inuussutissarsiuteqarnikkut sulialinnut suleqatissatut piumaneqarluarluta.


All. pisortaq Betina L. Petersen, Kalaallit Nunaanni Politiit

 Kalaallit Nunaata politiivisa Nuummi utaqqiisaasumik inissiat atortinneqartartut saniatigut Nuummi unnuiffiusinnaasut allat atortarpaat. Nordbo atorneqartarpoq pingaartumik sivisunngitsumik kisianni aamma sivikinngitsumik akunnittarfittut ilinniagaqarnermut suliassanullu allanut tunngatillugu atorneqartarpoq.

- Nordbo assut iluaraarput, tamatigut oqaluukkuminartuupput – aamma piffissap sivikitsuinnaap iluani inniminniineq kalerrisaarutaagaluartoq. Aamma ajornartorsiutaaneq ajorpoq sumilluunniit patsiseqarluni akunnissimaneq sivitsorneqassagaangat.

- Nordbo assut iluaraarput, tamatigut oqaluukkuminartuupput – aamma piffissap sivikitsuinnaap iluani inniminniineq kalerrisaarutaagaluartoq. Aamma ajornartorsiutaaneq ajorpoq sumilluunniit patsiseqarluni akunnissimaneq sivitsorneqassagaangat.


HR-imi allaffimmioq Heidi Lund Hansen, Nukissiorfiit

Nukissiorfiit ilinniaqqinniartunut (pikkorissartunut), teknikerinut specialistinullu suliaqarnerminnut tunngatillugu Nuummiittut Nordbo akunnittarfittut atortarpaat.

- Nordbo akunnittarfittut atortarparput, akigititaat akilersinnaammata, eqqarsaatigissagaanni, inissiat taakku illoqarfiup qeqqani inissisimammata. Sulisutta amerlanersai taakkunani najugaqarusuttarput, aamma sumulluunniit ingerlassagaanni ajornannginnerummat.

- Sulisutta ilarpassui angalasartorujussuupput aamma hotelimi nerisassat sassaalliutigineqartartut qatsuttarpaat, taamaattumillu najugaqarusuttarlutik nerisassiorfiusinnaasumi. Aamma taakkununnga isumaqartorujussuuvoq piffissaq Nordbo-miinnerminni qanoq atussallugu namminneq naalagaaffigaat –  tassa nerinissaq nalunaaqutaq aaliangersimasoq atuutsinneqanngimmat, namminerli nerinissaq isumagissavaat sulinermut qasuersaarnermullu naleqqussarsinnaallugu.

- Nordbomut saaffiginninnitsinni sullinneqarnerput iluariuaannarparput  


Handyman Carsten H. Jensen, TELE POST Greenland

Tele-Post-ip sulisuminut pingaartumik ullut arlallit Nuummiittussanut Nordbo akunnittarfittut atortarpaat. Agguaqatigiisillugu sapaatip akunnera missiliorlugu najugaqarfigisarpaat.

- Nordbo atortarparput sullissinerat pitsaassutsimigut qaffaseqimmat. Iluarsiissutissanik nassaarniallaqqittuupput – aamma najugallit tikeraat paarlaatiterlugit inissititertarpaat tassanngaannartumik unnuinissamik pisariaqartitsisoqartillugu.

- Init pitsaalluinnartuupput – aamma tamatigut eqqiluitsuupput.

- Akigititaat tulluarput, Nordbo-t iluarinaqaat.