Ikuallanneq
Ikuallattoqartillugu maleruagassat inissiamiittut malikkit. Qatserisartoqarfik 113-mi kalerrinneqarsinnaavoq. 

Meeqqat issiavii
Allaffimmit atorneqarsinnaapput 

Siniffileeqqinneq
Inissiaatitsinni amerlanerni inummut ataatsimut marlunnulluunniit siniffileeqqinnissaq neqeroorutigisinnaavarput taamaasilluni illit ilaquttatillu ataatsimoorlusi ineqarsinnaaniassagassi.
Inniminniinermi paasisaqarnerugit. 

Qerititsiveeraq
Allaffimmi qerititsiveeqqamik atornissaq periarfissaavoq. Taamatuttaaq Nordbo anginerusumik qerititsiveqarpoq amerlasuunik qerisuuteqaruit. 

Nutsanut panerterut
Allaffimmit atorneqarsinnaavoq. 

Igat
Inissiat tamarmik iganik naliginnaasunik atortulersugaapput kisiannili anginerusunik iganik atorfissaqartitsiguit soorlu suppenut taakku allaffimmit atorneqarsinnaapput. 

Kaffi tiilu
Maanga piguit inissiami kaffimik tiimillu sassaallerfigissavatsigit. Ullut tulliuttut inissiap igaffiani nammineq isumagissavatit.

Nakorsaq ambulancillu
Ajutoortoqarnerani ambulancit oqarasuaatikkut +299 344 112-kkut kalerrinneqassapput. Nakorsiartarfiup ulluinnnarni ammasarfii: 8.00 – 15.30 oqarasuaatikkut attavigineqarfissaq +299 80 11 11. Ammasarfiit avataanni +299 34 44 00.

Politi
Politiit oqarasuaat 70 14 48-kkut attavigineqarsinnaapput.

Allakkat
Sivisunerusumik Nordbo-mi akunnissaguit Hotel Nordbop allakkanut postaddressia atornissaanut tikilluaqqusaavutit, Postboks 1470, 3900 Nuuk. Taava uagut allakkat poortukkallu ilinnukartut tunniunneqarnissaat isumagissavarput.

Eqqiaaneq
Hotelimi inissiat sapaatip akunneranut ataasiarlutik inissiamiillu aninermi eqqiarneqartarput. Saniatigut eqqiaasoqarnissaa imaluunniit tungiit taarserneqarnissaat piumasarigukku tamanna allaffimmi isumaqatigiissutaasinnaavoq.

Pujortarneq
Nordbo-mi init tamarnik pujortarfiunngillat.

TV
Hotelimi inissiani tamani fjernsyneqarpoq akeqanngitsumik kanalit tamarmik isiginnaarneqarsinnaapput. Kalaallit Nunaanni TV-signali sila ajortillugu piffissat ilaanni kipisaqattaartarsinnaavoq.

Imeq
Nuuk ajunngitsumik imeqarpoq kuuffimmit toqqaannartumik imerneqarsinnaasumik.

Errorsivik
Nordbo-mi akunnittunut errorsivimmut panersiivimmullu sapaatip akunneranut 100 kr.-mik akiliilluni errorsisoqarsinnaavoq, qaqorsaat kingunerullu akimut ilaapput.

Wifi
Wifi akeqanngilaq.